Активности

ЕКИПИТЕ НА ГРАД СКОПЈЕ НА ТЕРЕН ГИ РАСЧИСТУВААТ ПОСЛЕДИЦИТЕ ОД ВЧЕРАШНОТО НЕВРЕМЕ


15.06.2017г .

Екипите на штабот за заштита и спасување на Град Скопје активно работат на терен за расчистување на штетите кои беа предизвикани од големото невреме кое вчера /14.06.2017 година, среда/ го погоди Скопје и регионот.

Градоначалникот на Град Скопје, Коце Трајановски денеска го посети расадникот на ЈП „Паркови и зеленило“, каде градот предизвика поголема материјална штета на објектите (стаклениците) и зеленилото.

Екипите на ЈП „Паркови и зеленило“ вчера и денеска работат на расчистување на последиците од невремето, каде на повеќе места е евидентирано оштетување на дрвја и зеленило. Екипите работат со соодветна механизација  на расчистување на паднати дрва, искршени крошни на стебла и искршени гранки од невремето, а на терен е евидентирано и оштетување на дел од цветните површини низ градското зеленило.

Екипите на ЈП „Водовод и канализација“ и „Комунална хигиена“ со екипи и механизација работат на терен на чистење на сливници и шахти на целата територија на Скопје, но најмногу во Радишани, Бутел, Автокоманда, Чаир и Ченто.

Екипите на ЈП „Улици и патишта“ на терен беа ангажирани на бул. Александар Македонски каде со механизација чистеа наноси на земја и песок.

По обилните врнежи на дожд и град на поголем број на локации во Скопје се појавија поплави на неколку локации во Скопје, како што се подвозникот на бул. Киро Глигоров (кај Бриколаж) и клучката кај хотел Континентал.

На овие локации краток период се создадоа потешкотии во одвивањето на сообраќајот, а по интервенцијата на ЈП „Водовод и канализација“ и екипите на Противпожарната бригада на Скопје, состојбата за многу краток период се нормализира и сообраќајот се одвива непречено и без застој.

 

Zimska_sluzba_-_cistenje_trotoari_3a

ЕКИПИ НА ЈАВНИТЕ ПРЕТПРИЈАТИЈА ГО ЧИСТАТ СНЕГОТ ОД ПЕШАЧКИТЕ ПАТЕКИ И ЈАВНИТЕ ПОВРШИНИ

08.01.2017г.

Продолжуваат активностите на екипите на зимската служба на Град Скопје кои интензивно работат на терен на расчистување на градските улици и булевари и истите во моментов се расчистени и проодни.

Изминатиов период, екипи од јавните претпријатија на Градот Скопје работат на расчистување на снегот и мразот од тротоарите и јавните површини, каде денеска се фрлени околу 20 тони индустриска сол.

Во расчистувањето на тротоарите и јавните површини ангажирани се 116 работници и механизација од ЈП „Комунална хигиена“, како и 70 работници и механизација од ЈП „Паркови и зеленило“.

Дополнително, на терен работат и 70 работници од ЈП „Водовод и канализација“ кои работат на чистење на сливниците.

Градот Скопје им препорачува на возачите да возат внимателно и да се придржуваат на условите на коловозите.

Потсетуваме дека во надлежност на Град Скопје се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување.

Апелираме до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти.

JП „Комунала хигиена“ апелира општините да ја реализираат нивната обврска за чистење на улиците кои се во надлежност на општините и апелира за поголема ажурност во оваа област, со цел непрекинато собирање на комуналниот смет.

СИТЕ БУЛЕВАРИ И ГРАДСКИ УЛИЦИ РАСЧИСТЕНИ И ПРООДНИ, МИНАТАТА ВЕЧЕР ФРЛЕНИ ДОПОЛНИТЕЛНИ 50 ТОНИ СОЛ

07.01.2017г.

Продолжуваат активностите на зимската служба на Град Скопје, кои се на терен од почетокот на снежните врнежи, каде екипите ги расчистуваат булеварите и улиците коишто се во надлежност на Градот.

Екипите на зимската служба делуваат на терен со 24 возила и сите булеварите и улиците коишто се во надлежност на Градот се расчистени и проодни. Изминатава вечер на коловозите се фрлени дополнителни 50 тони сол, а екипите на јавните претпријатија го чистат снегот од јавните површини и пешачките патеки.

Градот Скопје им препорачува на возачите да возат внимателно и да се придржуваат на условите на коловозите. Потсетуваме дека индустриската сол има ефект до - 6 степени целзиусови и поради ниските температури можно е појавување на голомразица на коловозот и апелираме на голема внимателност во сообраќајот.

Потсетуваме дека во надлежност на Град Скопје се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување.

Апелираме до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти.

ЈП „Комунала хигиена“ апелира општините да ја реализираат нивната обврска за чистење на улиците кои се во надлежност на општините и апелира за поголема ажурност во оваа област, со цел непрекинато собирање на комуналниот смет.

 

sajt_trim

Бела ризла на трим патеката во парк шума Гази Баба

07.04.2014година

Екипите на ЈП Улици и патишта изминативе  денови  поставија нова бела ризла на постоечката трим патека во паркот шума Гази Баба.

Паралелно со патеката е ископан и канал од земјан материјал со цел забрана за пристап на возилата до трим патеката. Патеката беше изградена минатата година со должина од 2040м и широчина од 2м, 2,5м и 3 метри во зависност од конфигурацијата на теренот, а на неа се поставени и осум спортски справи.

Трим патеката е наменета за планински велосипедизам, а  може да се користи и за нордиско пешачење, односно пешачење со штаки.

Во тек е изградбата на новата патека во парк шума Гази Баба, на која моментално екипите на ЈП Улици и патишта  ги извршуваат почетните работни активности, земјаните работи.